बालसाहित्यको वैश्विक गति : परिवर्तन र प्रगति” विषयक गोष्ठी सम्पन्न

काठमाडौँ । नेपाल प्रज्ञा-प्रतिष्ठान र नेपाल बालसाहित्य समाजको संयुक्त आयोजनामा बालसाहित्य लेखनका क्षेत्रमा विश्वमा आइरहेको नयाँ प्रवृत्तिका बारेमा परिचर्चा कार्यक्रम सम्पन्न गरिएको थियोे ।

कार्यक्रममा “बालसाहित्यको वैश्विक गति : परिवर्तन र प्रगति” शीर्षकको गोष्ठीपत्र प्रस्तुत गर्दै समालोचक महेश पौड्यालले आज हिजोका औपदेशिक र धार्मिक विषयभन्दा फरक धारमा बालसाहित्य लेखिन थालेको बताउँदै उनले भने, “हिजो बालबालिकालाई दिन हुँदैन भनिएका कतिपय विषय बालसाहित्यमा अहिले स्वीकारिन थालिएको छ र यो प्रवृत्ति नेपाली बालसाहित्यमा पनि देखिएको छ । अहिले विश्व बालसाहित्यमा वातावरण, विज्ञान, समता, युद्ध लगायतका कतिपय विषयले प्रवेश पाएको छ ।” उहाँले उक्त कुरा गोष्ठीपत्र उल्लेख गर्नुभएको थियोे ।

कार्यक्रममा बालसाहित्य सर्जक अनन्त वाग्ले र प्रज्ञा-प्रतिष्ठानका प्राज्ञ परिषद् सदस्य अमर न्यौपानेले टिप्पणी गर्दै गोष्ठीपत्रले अत्यन्त महत्त्वपूर्ण विषय समेटेको बताउँदै आआफ्ना सुझावहरू प्रस्तुत गर्नुभएको थियोे ।