धर्मरत्न यमि उत्प्रेरक व्यक्तित्व– भूपाल राई, कुलपति

पूर्व मन्त्री राजनीतिज्ञ ,समाजसेवी तथा लेखक धर्मरत्न यमिको १०८अौँ जन्मजयन्ती समारोह सम्माननीय पूर्व प्रधानमन्त्री डा.बाबुराम भट्टराईको प्रमुख आतिथ्यमा सम्पन्न भयो ।उहाँले धर्मरत्न यमि लिखित २१ वटा पुस्तक नेपाल प्रज्ञा-प्रतिष्ठान प्रज्ञा पुस्तकालय र आशा सफुकुथिलाई हस्तान्तरण गर्दै यमि त्यस समयका सचेत राजनीतिज्ञ र इमानदार लेखक भएको बताउनुभयो ।

यसैगरी विशिष्ट अतिथि तथा नेपाल प्रज्ञा-प्रतिष्ठानका कुलपति भूपाल राईले तत्कालीन समयका प्रतिरोधी चेतना भएका लेखक र राजनीतिज्ञ धर्मरत्न यमि उत्प्रेरक व्यक्तित्व हुनुहुन्थ्यो भन्नुभयो ।

यस समारोहको अध्यक्ष धर्महिरा स्मृति प्रतिष्ठानका अध्यक्ष प्रा.तिमिला यमि थापाले गर्नुभयो ।(२०८० भदौ ३ गते,आइतबार )